Cornis van der Lugt is ’n eksterne senior lektor aan die Universiteit Stellenbosch se Besigheidskool (USB). Hy was in die 1990’s deel van die Suid-Afrikaanse afvaardiging na die VN se klimaatsonderhandelinge, en het daarna 11 jaar lank by die VN se Omgewingsprogram (UNEP) gewerk.
OP WEG NA ’N KLIMAATVRIENDELIKE SA
Van Glasgow tot Genadendal: Volgende dekade gaan deurslaggewend wees
Die gemiddelde Suid-Afrikaner – kom ons noem haar Vanessa – het genoeg bekommernisse: misdaad, werkloosheid, korrupsie, haar seun se studies. Stories oor die klimaatkrisis laat haar net oorweldig en magteloos voel. Maar, skryf CORNIS VAN DER LUGT, daar is báie waaroor Vanessa (en ons almal) kan opgewonde raak.
Deel
VANESSA sit en kyk na dokumente op die kombuistafel terwyl sy hoor hoe die munisipaliteit se vullisverwyderaar hulle huishouding se afval laai. Sy is omgekrap, want Eskom het die krag vroeër as beplan afgesny. Op haar slimfoon lees sy oor onderhandelinge in Glasgow en vooruitsigte vir klimaatsverandering. Die mens as spesie kan in die dekades wat voorlê glo dalk van die aardbol verdwyn.
Asof mens nie reeds genoeg spanning het nie. Bestuurder of nie, sy het by die werk afgevat, want vanmiddag moet sy haar seun vir ’n gesprek met ’n loopbaanvoorligter neem. Hy matrikuleer en moet uitsluitsel kry oor wat hy wil gaan studeer.
Dis tydig dat Vanessa kennis neem van die dringendheid van klimaatsverandering. Met die ondersoek van yslae in Antarktika bepaal wetenskaplikes hoe die gemiddelde oppervlaktemperatuur van ons planeet oor duisende jare verander het. Hulle lees dit van lae van sneeu wat jare gelede geval en lugblasies met ’n sekere chemiese samestelling vasgevang het. Die probleem kom sedert mense tydens die nywerheidsrevolusie begin het om fossiel-energiebronne soos steenkool en olie op groot skaal te verbrand. Die gevolglike toename van besoedelende gasse in die lug het ’n versteuring van die ekologiese balans meegebring...
Slegs Vrye Weekblad-intekenare kan hierdie artikel lees.
Teken nou in vir volle toegang tot alle Vrye Weekblad-inhoud.
Reeds ’n intekenaar? Kliek “Meld aan” om voort te gaan
Vir nuwe VWB 3.0-navrae: WhatsApp 082 897 2721 (net vir teksboodskappe) of stuur 'n e-pos aan hulp@vryeweekblad.com.
Deel
-
Deel
-
-
-
-
-
-
Volgende artikelCornis van der Lugt
KonsultantCornis van der Lugt is ’n eksterne senior lektor aan die Universiteit Stellenbosch se Besigheidskool (USB). Hy was in die 1990’s deel van die Suid-Afrikaanse afvaardiging na die VN se klimaatsonderhandelinge, en het daarna 11 jaar lank by die VN se Omgewingsprogram (UNEP) gewerk.