Die fobie oor ‘ontspanningsliteratuur’

EK is geen letterkundige, literator of boekmeneer nie. Maar ek lees elke jaar hier by die 100 boeke (en ek het al ’n dosyn self geskryf), daarom matig ek my aan om my beskeie mening oor boeke te lug.

Uit die aard van my werk en belangstellings lees ek hoofsaaklik niefiksie. Maar in die Desember-vakansie is niefiksie verbode, dan verslind ek soveel fiksieboeke as wat ek kan.

Ek het ’n week afgehad tussen Kersfees en Nuwejaar en met my gesin aan die Wildekus gaan uitspan. Dit het meestal gereën en die water was te koud vir lang swemme, so lees het ek geléés – en ek lees baie vinnig, ek draf ’n boek van so 350 bladsye in ’n anderhalfdag kaf...