Die Januarie-spook pak vir Kerneels beet

HOE weet ’n mens dis Januarie? Maklik. Dis wanneer ’n mens alle beginsels oorboord gooi en besluit om jou gedragspatrone drasties te verander. Die afgelope Desember het Amore Bekker die land aan die praat gehad oor maniere waarop mens maklik en vinnig van die anakonda om jou middellyf en heupe ontslae kan raak. Tóé het ek gedink die luislang-beeld is ’n bietjie te-te, nou weet ek hy’s gesond en dikgevreet en rondom my middel. Die Januarie-gees het my behoorlik beet en ek loop draaie om nie myself in ’n vollengte-spieël raak te sien nie.

Daarom kan ek met ’n mate van skaamte sê dat ek die volgende boek bestel het, en nou ’n week of wat grasie het voordat ek die drastiese stap gaan neem om ’n dieet te volg.

Wyk, korpulensie!..