Boeke om die kruipende onheil te verdryf

ONS beleef tans soveel gemoedsvertroebeling in Suid-Afrika dat boeke ’n werklik goeie opsie is wanneer mens wil vergeet van die maniere waarop die onheil mens bekruip. En die eerste boek wat ek hieronder noem, bied wonderlike insigte oor die mens se oneindige gewoonte om alles vir almal anders deurmekaar te krap.

Bombastiese bazookas

So een maal ’n dekade kom daar ’n boek aan wat jou maande lank elke dag iets gee om te lees, te herkou en te geniet. Jacques Barzun se From Dawn to Decadence: 500 Years of Western Cultural Life het die nuwe eeu ingelei, en Simon Sebag Montefiore se The World is die een vir hierdie dekade. Montefiore gebruik die groot families as kapstok, van die vroegste tye tot nou, en toon aan hoe hulle ons wêreld help vorm het. Sy kennis is ensiklopedies, sy skryfstyl ontsagwekkend dog lig en betowerend. Nelson Mandela figureer, en so ook Donald Trump. Sy beskrywing van die genetiese lyn wat Nelson Mandela voortgebring het, en die subteks van Mandela se vrylating, is ’n uitstekende voorbeeld van geïmpliseerde evaluering. Beste is sy beskrywing van Trump: “this bombastic bazooka of complex inferiority”...

DEEL