Hart en horries

HIERDIE week skryf ek oor twee boeke wat net twee dinge gemeen het: hulle skrywers se topverkoperstatus en Covid wat in al twee kop uitsteek.

Marita van der Vyver het die toneel binnegebars met Griet skryf ’n sprokie, wat vele pryse losgeslaan het en in menige taal vertaal is. Dit was grensverskuiwend in Afrikaans en het baie van ons lus gemaak om te skryf. Sy is ’n ikoon: slim, belese, lank, slank en vriendelik. Sy woon in Frankryk, maar haar bande met Suid-Afrika en Afrikaans is sterk en sy wys gereeld hier gesig.

Haar jongste boek word vroegoggend afgelewer en teen die aand slaan ek die laaste bladsy toe. So ’n Marita-dag is inderdaad ’n wegkomkans, verfrissend en meevoerend...