Nuwe Fourie-film stiek kwai yt

Jy is 34, ’n skilder, draaiboekskrywer, regisseur en romanskrywer. Slaap jy ooit?

Ek moet bieg, slaap is een van my heel gunsteling-stokperdjies. Ek was nog altyd ’n dromer – letterlik, ek droom elke aand van my lewe. Dit voel soms asof ek per ongeluk ’n geheime portaal na ’n ander wêreld ontdek waarheen ek in my slaap reis. Baie van my idees ontstaan in my drome. Soms droom ek selfs volle stories van begin tot einde.

Ek is tans besig om ’n Engelse televisiereeks te ontwikkel van ’n droom wat ek een aand in Skotland gehad het nadat ek en my lewensmaat, Retief Scholtz, byna dood is in ’n sneeustorm op ’n berg. Ek is dankbaar vir my drome, hoewel dit beslis ook nie net mooi, inspirerende moontlike best-sellers is nie. Die meeste van die tyd is dit nagmerries...