Die ironie van FW de Klerk se kamikaze-oomblik

IN ’n onderhoud met John Oliver in 2010 het Dan Roodt na die Afrikaner as ’n dodo verwys. Laas week toe die FW de Klerk-stigting ’n verklaring uitreik wat verduidelik presies hoekom hulle dink apartheid nié ’n misdaad teen die mensdom was nie, was dit dalk die eerste keer dat ek met Dan saamgestem het. 

Maar Afrikaners sal nie vergaan omdat hulle gejag word nie. Dit sal eerder wees omdat Afrikaners hulself in die voet skiet. 

Die kamikaze-oomblik van apartheid se laaste president (en sy stigting) het die afgelope twee weke tot die meeste mense se stomme verbasing afgespeel. Op TV stel FW dit dat apartheid (darem) nie volksmoord was nie, en daarom nie ’n misdaad teen die mensdom is nie. Soos FW se onvermoë om ’n volle bekendmaking voor die Waarheid-en-versoeningskommissie (WVK) te maak (en sy Cremora-verskoning daar), stel hy later dat hy salig onbewus was van die feit dat apartheid ’n misdaad is...