“TREK asseblief jou toga aan, met die bande wat elke graad wat jy behaal het, wys. Dis belangrik.”

Met hierdie woorde is ek jare gelede in die Oos-Kaap genooi na ’n partytjie vir ’n student wat graad gevang het. Hy was die eerste in sy familie wat universiteit toe is. Dit was iets groots vir die familie.

Ek is koes-koes by die plek in waar ek die bande moes huur, maar niemand het ’n wenkbrou gelig nie. My hoftoga moes maar diens doen; niemand sou tog die klein verskille oplet van die toga waarin grade ontvang word nie. En terwyl ek aanvanklik verspot gevoel het toe ek in my volle regalia die onthaallokaal binnestap, het ek baie gou besef dat dit ’n gemeenskapsgeleentheid is...

DEEL