Corona en die (moontlik) nuttige obsessies van ’n kiemkoeser

KIEMKOMMER

Corona en die (moontlik) nuttige obsessies van ’n kiemkoeser

Lank voor die coronavirus, sê ANNELIESE BURGESS, was sy al 'n ietwat patologiese, borderline-paranoïese kiemverskrikte grilgriet, maar nou voel sy nie meer so mal as sy haar kar se stuurwiel ontsmet nadat sy inkopies gedoen het nie. Of die winkeltrollie se handvatsel afvee. Of die hysbak se knoppies met haar elmboog druk. In die tyd van corona is hiperhigiëne nie meer iets om oor te lag nie, en sy het 'n paar wenke wat handig te pas kan kom in dié tye van die Groot C.

EK is daardie mens wat haar kind van kleins af geleer het om nooit aan roltrappe se relings te vat nie. Ek ril sommer as ek dink aan die duisende hande wat elke dag hul kieme daaraan afsmeer. Ek lek eerder die openbare badkamer se vloer (oukei, ek jok), maar die feit bly staan dat die toilette in jou plaaslike winkelsentrum beslis meer gereeld skoongemaak word as enige hand- of trapreling in 'n openbare plek.

Ek dra al jare spuitbotteltjies alkoholreiniger in my sak rond om die handvatsels van inkooptrollies en my kar se stuurwiel te ontsmet voordat ek terug huis toe ry.

Ek vermy openbare badkamers soos die pes, maar as ek móét, was ek eers die kraan voordat ek my hande was en gebruik ek nooit ooit daardie warmlugblasers nie. Volgens hierdie artikel (https://www.businessinsider.com/flushing-toilet-seat-up-sprays-water-germs-2016-3?IR=T) is daar iets soos “toilet plume" – fekale besoedeling wat tot 4.5 meter hoog in die lug geslinger word wanneer jy 'n toilet spoel sonder om die deksel toe te maak en wat dan op jou hande uitgeblaas word soos 'n lekker onsigbare fake tan...

Registreer gratis om hierdie artikel te lees.

Die meeste van ons artikels is slegs vir ons intekenaars, maar hierdie een is gratis solank jy registreer.

Reeds geregistreer? Kliek “Meld aan” om voort te gaan

Vrae of probleme?
E-pos hulp@vryeweekblad.com of skakel 0860 52 52 00.

X