KITSKENNIS | Nee, jy gaan nie geld maak deur te gaan petrol ingooi nie

Beteken dit die vulstasie gaan ’n mens een van die dae betaal om te gaan petrol ingooi?

Helaas nie. Eintlik is dit nie korrek om te sê “die olieprys” was negatief nie. Wat wel gebeur het, is dat een baie spesifieke soort ruolie-kontrak se prys onder sekere omstandighede en in ’n bepaalde mark negatief was. Om presies te wees: Die prys van Amerikaanse WTI-ruolie (dit staan vir West Texas Intermediate) wat in Mei gelewer moet word, was Maandag in ’n stadium minus $40.32 per vat. Die prys van ander soorte olie, en ook van WTI vir lewering in ander maande as Mei, het weliswaar ook kwaai gedaal, maar darem nie onder nul nie.

Dis mos onsinnig dat ’n waardevolle produk ’n negatiewe prys kan hê?..