Koalisies ná 2024: ’n gegoël met syfers

TWEE klippe in die bos:

As die ANC met of ná sy verkiesingskonferensie in Desember skeur, en die faksie van Cyril Ramaphosa vat hande met die DA, sal so ’n alliansie/front waarskynlik ’n wegholoorwinning in 2024 behaal. Ja, dis ’n vlug van die verbeelding, maar tog iets om oor na te dink: ’n Gerespekteerde swart leier en ’n party met ’n uitstekende rekord vir regeerkunde kan mos net ’n wenner wees.

Tweede klip: Tensy hy met sy Phala Phala-skandaal gaan vasval, gaan Ramaphosa in Desember tot ANC-leier herkies word – daar is bloot niemand van aansien wat hom kan uitdaag nie. Gaan die RET-faksie eerder daarop fokus om die nasionale uitvoerende komitee met sy ondersteuners te laai? As so ’n poging slaag, is ’n alliansie tussen die ANC en die EFF ná 2024 dalk ons voorland...