Pak weg die viool, keiser Cyril, jou land brand

DIT was dalk die minister van kuns en kultuur, Nathi Mthethwa, se waardevolste bydrae in al sy jare as minister: sy verspotte voorstel dat 'n groot vlag teen 'n koste van R22 miljoen in Pretoria opgerig word, het die gehalte en mentaliteit van die ANC-leierskap dramaties ten toon gestel.

Mthethwa is nie 'n junior leier in die ANC nie. Hy is al 20 jaar lank in die parlement en 13 jaar lank 'n lid van die kabinet, onder meer as minister van polisie tydens die Marikana-slagting in Augustus 2012.

Sy aankondiging dat 'n reuse-vlag by Vryheidspark in Pretoria opgerig gaan word, is deur 'n ongekende nasionale vlaag van openbare weersin uit alle oorde begroet, insluitende die vakbonde...