Vakansiegangers, ontmoet julle bondgenote teen die ANC

NASREC: NOU WAT NOU?

Vakansiegangers, ontmoet julle bondgenote teen die ANC

Die ANC se moeilikheid is nie hulle verdeeldheid nie, maar eerder dat niemand hulle en hulle president meer vertrou om die regte ding te doen nie, skryf PIET CROUCAMP.

DIT is Desember 2022 en Hermanus is stampvol “Transvalers" wat kom loadshed by die see. Op die geplaveide straat tussen die ou hawe en die straatkafees luier viertrekvoertuie teen 'n slakkepas, vasgevang tussen die toeskouerwaarde van 'n malende menigte en die rustigheid van die diepblou see. Die oorlogsugtige “akabuyi” (hy kom nie weer terug nie, met verwysing na Cyril Ramaphosa) en “Wena Zweli Uyaz” (jy weet, Zweli, jy weet) van Nasrec eggo windop en buite hoorafstand van “white privilege”. Of so dog ek. 

Boerepreneurs en volksgenote moes vasgenael voor die kassie die losgemaal by Nasrec gadegeslaan het, want op byna elke straathoek en in die restaurante van die Overstrand word ek met dieselfde vraag gekonfronteer; “Wat nou, gaan ons dit maak in hierdie land?”. Soms dink ek dit is 'n retoriese vraag, en om die toekoms te voorspel is 'n verdomde onderneming, maar dalk kan ons die hede reg verstaan.

Die populistiese retoriek van die ANC-leiers by Nasrec word deur baie Suid-Afrikaners wat die toekoms as onseker beskou, gelykgestel aan hulle vrese vir radikale ekonomiese transformasie. Julius Malema en die ANC se RET-faksie heul met mekaar, argumenteer hulle. En Paul Mashatile se flikflooiery met Ekurhuleni se Mzwandile Masina, wat die burgemeesterskap van dié metropool aan die EFF wou oorhandig, bevestig hulle vrese. Alles goeie argumente en grondige vrese, gee ek toe. Maar, RET is as 'n konsep 'n uitgewaste idee wat instaan vir alles wat verkeerd is. Ek is nie eens meer seker daar bestaan so 'n faksie buite die EFF-retoriek nie...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.