Die dag as die aarde onder ons begin skud en rammel

DIE vraag is nie óf nie, maar wáár en wannéér die volgende groot aardbewing Suider-Afrika gaan tref, meen kenners.

Ten einde risikogebiede te kan identifiseer, benodig navorsers aanvangsdata wat as basislyn vir latere ontledings kan dien. Daarom benut Michelle Grobbelaar, ’n spesialis-wetenskaplike van die Raad vir Geowetenskap, en haar span onder meer datamyn-tegnologie en masjienleertegnieke in hul bestudering van Klerksdorp en omstreke in Noordwes.

Hulle wil sodoende meer data insamel oor seismologiese risiko’s in onder meer die dele van die land wat ondergronds deur mynbouaktwiteite uitgehol word. Dit sluit in die moontlike verband tussen onlangse skuddings soos die Orkney-skudding van 2014 en die Klerksdorp-skudding van 2005...