Episode 6: In die skadu van Tafelberg

VOORAF: Vreemde gebeure op Hakkiesbaai ’n jaar gelede het gemaak dat al die hotelgaste hierdie jaar terug is. En die vermiste Dewald Loots, wie se lyk hy glo hy op die strand gekry het, maar wat toe verdwyn het, staan sentraal daarin, glo die polisieman Stefan Britz. Hy moet nog net uitwerk hóé.

Die Saterdagoggend wil ek my kans vat en stad toe ry om meer oor Dewald Loots uit te vind. Elke tweede naweek stuur hoofkwartier iemand om my af te los en ek is vry om te doen wat ek wil. Ek sou seker kon gaan visvang of fliek of iets, maar die geheimenisse op Hakkiesbaai het my op hol.

Daar is die lyk wat ek gesien het en wat toe vermoedelik weggespoel het terwyl ek agter die ander persoon aan foeter wat op die strand was – en wat ek nou nog nie kon eien nie. En die feit dat al die gaste wat ’n jaar gelede in die hotel was, vanjaar teruggekom het. Iemand het hulle genooi met ’n verwysing na iets wat verlede jaar gebeur het, die aand toe die hotel se brandalarm afgegaan het. Elke gas het ’n ander storie oor wat hulle gesien het. Die strandloperseun Pikkie het ’n jaar gelede ’n weerballon en eienaardige goed op die strand opgetel. Die man wat gesê het hy kan maar die goed vat, is bes moontlik Dewald Loots, op grond van sy beskrywing...

DEEL