Waar is Freud in Afrikaans?

MISKIEN begryp Afrikaanse lesers nie die werklike waarde van Freud nie, veral oor sy sieninge van taal en interpretasie. Want waarom is daar in Afrikaans ’n groter Jungiaanse stramien in romans? Ons dink hier aan Etienne Leroux. Of Klaas Steytler se roman Die walvisman. Is dit weens die diskreditering van Freud?

1

D.M. Thomas se The White Hotel is ’n ongelooflike roman wat verskillende verteltegnieke saamsnoer en met ’n herlees inderdaad ’n voorteken is oor wat ons nou beleef. In hierdie roman word geskiedenis, Freud en fantasie en selfs opera verweef. ’n Fiktiewe pasiënt van Freud, ene Frau Anna G., ’n operasangeres, word vir psigosomatiese simptome behandel. Don Giovanni verwys na Mozart se bekende opera van 1788, ’n verhaal van verleiding, gegrond op ’n Spaanse legende. Tirso de Molina se drama El burlador de Sevilla y convidado de piedra van 1630 is die verhaal waarop Mozart se opera inspeel...

DEEL