Denis Hirson se herinneringswerke

VROEG in Desember 1973 verlaat Denis Hirson op 22-jarige ouderdom Suid-Afrika saam met sy ouers en twee jonger sibbe met Engeland as eerste bestemming. Binne drie dae ná sy pa, Baruch Hirson – akademikus, fisikus en historikus – se vrylating moes hulle hul Johannesburgse huis oppak. Hy is nege jaar lank in die Ou Fort in Johannesburg en in Pretoriase tronke aangehou weens sabotasie as lid van die African Resistance Movement (ARM).

Dertig jaar later, in die voorlaaste fragment van I Remember King Kong (The Boxer), Hirson se tweede herinneringswerk van sewe oor Johannesburg in die 60’s (wat ’n roman, digbundel, fragmentariese outobiografieë en literêre kritiek insluit), beskryf Hirson sy gesin se uitvlug en die oorgang van sy Johannesburgse kinderjare na ’n Europese verblyf wat steeds duur:

I remember Jan Smuts Airport on the afternoon we left. A heavy yellow lozenge of light reflected from a window onto the concourse floor. A policeman in a khaki uniform standing against the wall. The remoteness of the crowds...

DEEL