Tove Jansson en haar Tooti se eilandsomers

VOLGENS die Puffin-uitgawes van haar Moemin-boeke het Tove Jansson alleen op ’n klein eiland in die Finse Golf gewoon waar sy die meeste van haar boeke geskryf het.

Die meer volwasse waarheid is dat sy vir langer as 40 jaar haar lewe met die kunstenaar Tuulikki Pietilä, oftewel Tooti, gedeel het – in arbeid en liefde. Die twee vroue het winters in Helsinki gebly en 26 somers, tot 1991 toe hulle al twee in hul middel-70’s was, deurgebring op ’n onherbergsame Finse klipeiland. Jansson was die dogter van ’n beeldhouer en grafiese kunstenaar en eilandbewoning en kunsmaak was die familie-ambagte.

Jansson het beroemdheid verwerf as skepper van die Moemins (Mumintroll in Sweeds), ’n familie van stilweg filosofies, effe melancholiese seekoei-agtige kreature en hul eiesoortige bondgenote. In nege boeke en strips van meer as 10 000 tekeninge het sy vanaf die middel-40’s – tydens voortslepende oorlogsontberings en -tekorte – tot die laat-50’s die Moemins se wêreld gevorm. Met verloop van tyd het hulle operas, temaparke en ’n vloedgold handelsware geïnspireer. ..