Gesondheid! En geniet die lewe

’N ONLANGSE onderonsie met Covid het nie alleen my leespatrone beïnvloed nie, maar ook my lewensuitkyk. Dit is eienaardig om jou skemerjare te betree. Jy is vol bravade en soms het jy selfs die arrogante houding dat dit nou seker nie meer baie jare vir jou is wat voorlê nie en dat jy happy is daarmee. En dan tref Covid jou en jy is helder oordag ’n slaapwandelaar en al wat jy doen, is om te wil lees oor dinge wat jou langer sal laat lewe.

Dit lê in jou DNS

Ek kan rapporteer dat Peter Attia se Outlive: The Science and Art of Longevity presies was wat ek onder die omstandighede nodig gehad het. Attia, ’n Kanadees wat sy mediese opleiding aan die Stanford-universiteit ontvang het, is bekend vir sy navorsing oor menslike lewensduur. Hy het opspraak gewek toe hy in die TV-reeks Limitless aan die akteur Chris Hemsworth openbaar het dat Hemsworth om genetiese redes ’n goeie kans het om Alzheimers te kry. Ek het gedink dis taamlik goor van hom om so iets te doen, maar die negende hoofstuk van Outlive plaas mens gou in die prentjie...