Kersfees-blues en selfdood: blameer dit liewer op die weer

SAAM met die bekende tonele van sipresboompies en tooisels, Kersliggies, geskenke in vrolike papier en tafels wat kreun onder feesvieringe hierdie tyd van die jaar is daar die antitese van soveel mense wat nie het nie. Of wat nie die genoegdoening van nabye omgee en liefde ervaar nie.

Die beeld van die randfiguur wat van buite die warm sirkel van samesyn verlangend inkyk, het in die tapisserie van die moderne Kerstoneel ingevleg geraak. Individue wat reeds eensaam is, voel nóg meer alleen in 'n tyd waar samesyn met geliefdes, gesinne en familie aan die orde van die dag is.

Maar hou hierdie skadukant van Kersfees 'n hoër risiko in vir mense wat reeds nie lus het om verder te lewe nie? Is daar werklik 'n toename in voorvalle van selfdood oor die feestydperk in Desember, en veral oor Kersfees?..