Die talle voordele van ‘onderbroke vas’

DRIE maaltye per dag met ’n stewige ontbyt, die sogenaamde belangrikste maaltyd van die dag, om mee te begin – gevolg deur peuselhappies dwarsdeur die dag om die liggaam aan die gang te hou. Dít is die konvensionele wysheid oor wat gesonde voeding behels.

Maar daar is nou toenemende navorsingsbewyse wat die mening ondersteun dat ons liggaam en brein ontwikkel het om optimaal te funksioneer wanneer hulle net met tussenposes kos kry en dat tydperke sonder kos dieselfde helingseffek op die liggaam as slaap het. Dit kan ons streshanteringsvermoë verhoog deur selle veerkragtiger te maak, geestelike en liggaamlike prestasie verbeter en teen veroudering en siektes beskerm.

Dit gaan nie oor die beperking van kalorieë of wát jy eet nie. Dit gaan alles oor wannéér jy eet en gereelde tydperke sonder of met min kos – iets wat selde gebeur in ’n moderne wêreld waar kos vir baie mense 24/7 beskikbaar is...

Deel