Klubhuis | Petrus Vaalbooi lees die tekens

AS Petrus Vaalbooi, die leier van die Khomani San, langer as 5 voet is, sal ek verbaas wees. Sy arms en bene is dun en seningagtig en sy gesig vol plooie van wysheid, swaarkry en moed. Hy is ’n legendariese storieverteller en woorde vloei van sy tong soos water in ’n stroom.

Ek doen my bes om sy storievertellery te beskryf en te verduidelik tot watter insigte hy my gebring het. Ek moet beklemtoon dat ek nie sy stories kan vertel met sy handgebare, pleidooie en fyn gevoel vir ironie nie. Hy is verreweg die beste storieverteller wat ek nóg teëgekom het.

In die geesteswêreld van die boesmans, soos hy verkies om homself te beskryf, is daar geen toevallighede nie. Mense moet tekens soek in hulle alledaagse lewens. Anders as wetenskaplikes wat klimaatsverandering ontken en hulle blinde aanhangers het Petrus geen twyfel dat versnelde klimaatsverandering en die gepaardgaande uitwissing van spesies die grootste bedreiging vir die mensdom inhou nie. Hy weet omdat hy tekens sien in die verandering van die natuur in die Kalahari en onthou wat die ou mense hom vertel het. Hy sien ook die tekens van die uitwissing van sy mense voor sy oë plaasvind...

DEEL