Die wraak en beswadderings van die Wainwrights

JOU siel word genees as jy tyd saam met kinders deurbring, het die Russiese skrywer Dostojefski gesê. Dit geld egter nie die Amerikaanse sanger-komponis Loudon Wainwright III en sy gesin nie. Trouens, die Wainwrights het die kuns van disfunksionaliteit so verfyn dat hulle die Kardashians na piepiejollers laat lyk.

Loudon Wainwright III was een van die vele jong kunstenaars wat in die vroeë en middel-70’s die etiket van “die nuwe Bob Dylan” om die nek gehang is. Sy liedjies was sterk en gedenkwaardig, maar hy was g’n Dylan nie. Dit was eerder baie duidelik dat hy uit ’n baie eksklusiewe en bevoorregte sosiale plek kom: ou geld.

Hy is ’n direkte afstammeling van Peter Stuyvesant, die 17de-eeuse Nederlandse goewerneur van Nieuw-Amsterdam, die latere New York. Sy pa was die rubriekskrywer en Life Magazine-joernalis Loudon Wainwright Jr. en sy oor-oorgrootjie die diplomaat Archibald Loudon Snowden...

Deel