Europa wankel onder ’n arbeidskrisis, maar Afrika is nie ‘tops’ genoeg nie

LOOP jy in ’n Nederlandse winkelstraat is dit moeilik om mis te kyk – oral buite restaurante en winkels hang bordjies met ’n desperate pleidooi: “Personeel gezocht!” “Vacatures!”

Sedert Augustus verlede jaar het Nederland vir die eerste keer meer werkgeleenthede as wat hy werkloses het. In die tweede kwartaal van 2021 was daar 109 vakatures vir elke 100 werkloses. Die verhouding is nou 133 tot 100. Die nood is so groot dat die regering nou jongmense in Frankryk wil gaan werf om die vakatures te vul en hulle is selfs bereid om in die kriminele buurte na werkers te gaan soek.

Een van die probleme met dié plan is egter dat Frankryk self te kampe het met ’n arbeidstekort. Dieselfde geld Spanje en Duitsland...