Boeke | Die storie van ’n legendariese ‘hippie-slash-punk’

Between Rock and a Hard Place deur Carsten Rasch

CARSTEN RASCH se memoires is in 2019 deur Jacana uitgegee en nou weer deur Friction Books. Ek is lief vir outobiografieë, veral as die verteller se stem my aanstaan. Hierdie is net terloops outobiografies; dis die verslag van ’n era en ’n skare talentvolle kunstenaars wat meestal ingeloop en oor die hoof gesien is. Van anargie en verset teen ’n versmorende sisteem wat burgers gekoöpteer en gekompromitteer het; deel gemaak het van skreiende onreg: “You take drugs, drink yourself into oblivion, dance your feet off, jol so hard you can hardly stand it, because reality is harder.”

Kyk, ek was bewus van Rasch, uit die hoek van my oog. Hy was op my radar as legendaries, waarvoor was ek nie seker nie. Nou weet ek. Ons is Facebook-vriende en ek sien sy seun en my dogter is ook Facebook-vriende...