POLITIEKE NOTABOEK | Wakker slaap oor grond – en verhuur jou servette

DIE burgerlike samelewing sal moet wakker slaap of die grondhervormingsproses loop die pad van buurlande waar herverdeling vir partypolitieke doeleindes en patronaatskap eerder as landbou en die verligting van armoede en werkloosheid gebruik is.

Die ANC wil die herverdeling van grond in 2020 verhaas en maak allerlei beloftes aan sy ondersteuners (pres. Cyril Ramaphosa het dit laas naweek weer in die Noord-Kaap gedoen), maar daar word nie verwag dat die bedrag wat hieraan bestee gaan word in die Februarie-begroting verhoog gaan word nie. Onteiening sonder of met min vergoeding, dus.

Die wetsontwerp wat die verandering aan Artikel 25 van die Grondwet voorstel, verklaar bloot dat vergoeding vir onteiende eiendom ook nul kan wees. Die omstandighede waar dit toelaatbaar sal wees, moet in nasionale wetgewing omskryf word...