Kom ons praat reguit oor rassisme

HOOR DIE KREET

Kom ons praat reguit oor rassisme

'n Student vra in 'n brief vir 'n gesprek oor rassisme. Eerlik, reguit, sonder om mekaar die mond te snoer. Wat sê dit van haar, van hierdie land, vra ANASTASIA DE VRIES, wanneer ’n jong kind met soveel pynlike sekerheid kan weet dat sy brief met ‘kokende woede, sarkasme, ongeloof en ontkenning’ begroet sal word?

TERWYL jy hierdie brief lees, haal diep asem. Skep ruimte vir my stem in die diepste van jou wese. Luister. Luister met liefde, ’n liefde wat vereis dat jy kyk na die dele van jouself wat moontlik pyn en verskrikking kan veroorsaak. Wees stil.

Dit is die trant van ’n brief wat Timothy Nel, ’n nagraadse student in die regte aan die Universiteit van Wes-Kaapland, die afgelope Maandag op die webwerf van ’n ander nuusverskaffer aan “Liewe wit Suid-Afrikaner” gerig het. Sy brief kom as ’n uitnodiging, skryf hy, ’n uitnodiging tot gesprek ná dit waarna hy keurig verwys as die “urinevoorval”. Ons moet praat, sê hy, oor rassisme, reguit en eerlik, oor die noodsaak om die eie te verdedig, om verskonings te soek en te vind vir die eie se ontmenslikende gedrag teenoor ’n ander mens, oor wit gevoeligheid en ongemak wanneer rassisme en vooroordeel en bevoordeling uitgedaag word, oor sogenaamde kleurblindheid wat vir hom nog te dikwels lyk na ’n blindstaar teen die rassisme om hom, oor die pyn en die seer van die aanhoorders aan die ander kant van dit alles. Daaroor moet ons praat, skryf hy. Eerlik, reguit, sonder om mekaar die mond te snoer.

Ek ween. Ek weeklaag. Ek is skuldig. Sy brief word ’n bitter aanklag teen my, teen die Suid-Afrika waaraan ek hom, en ’n kind soos hy wat dit goed gedink het om in die jaar 2022 op ’n ander mens se kind se besittings te urineer, help uitlewer het. Wetend of onwetend. Ek is skuldig. Dit is daar, die aanklag, agter die woorde waarmee hy, soos die Nederlanders sê, homself probeer “verman”. Wat sê dit van my, van hierdie land, wanneer ’n jong kind met soveel pynlike sekerheid kan weet dat sy brief met “kokende woede, sarkasme, ongeloof en ontkenning” begroet sal word, dat iemand gaan sê hy het ’n chip op sy skouer, dat hy meen alle wit mense is rassiste, want het van hulle dan nie swart familie of vriende nie en wat weet ’n born-free soos hy, wat soos alle born-frees ongeag ras of kleur in onskuld ontvang en gebore is, in elk geval van apartheid en rassisme? Voorspelbare patrone, skryf hy...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.