Toe die Kaap nog half-Hooghollands was

SOOS gesê het ek ’n boek present gekry: Ouma en Oupa se Boererate, wat in 1962 deur Tafelberg uitgegee is. Ek is ook in 1962 uitgegee. Die boek het nog sy oorspronklike oranje stofomslag, met ’n gediggie op die voorflap wat die lof van boererate besing en só eindig:

Smeer hom onder jou voet,
Hy genees tot in jou hoed;
Smeer hom onder jou voet se sool,
Hy genees jou, by my kool.

Ou mense maak hy jonk,
Jong mense laat hy pronk.
Leuenaars laat hy die waarheid praat –
Ek gebruik hom self, ou maat...