Simone Cilliers-Jonker: Die kind is nie dood nie

INGRID JONKER se enigste kind, Simone, is Maandag aan kanker oorlede. 

Daar is mense wat jy jou nooit kan voorstel as bejaard nie. Mense soos Marilyn Monroe, James Dean, Jesus, Lady Di en Ingrid Jonker. Dis asof iets tragies en weerloos hulle lewenslank omgeef het; ’n eteriese skoonheid en broosheid. Dis asof hulle intenser as ander geleef het, gedoem om uit te brand, soos ’n kers in die wind.

Ingrid Jonker was volgens André Brink emosioneel agt jaar oud. Danksy haar biograaf, Petrovna Metelerkamp, is ons bekend met talle foto’s van hierdie begaafde nimf met haar gebroke-bokkie-oë en kinderlike uitstraling...