Uiters amusant en spannend

Elke heilige koei word in die sloot gestamp. Die trant herinner my aan die kinderboekskrywer David Walliams: stout, aspris en goddelooslik, en dis duidelik dat Koos Kombuis homself gate uit geniet.

’n Mens huiwer om van ’n volkskat te praat; dit klink darem te veel na boeretroos en Cremora. Maar wat ’n flambojante figuur is Koos Kombuis nie. Ek het hom in my vroeë 20's liefgekry toe ek die eerste keer die kasset Ver van die ou Kalahari in my draagbare speler druk. Hom dopgehou deur sy stadia van stinkvoetboemelaar tot gesinsman in die suburbs – van tingerige, honger kunstenaar met ’n soort broeiende Franse skoonheid tot ouer Afrikanerman met lyf, in kunstige hemp en bandana...

DEEL