My sentimentele heldeverering vir Moedertjie Rusland

WIE IS ONDIER, WIE IS MAN?

My sentimentele heldeverering vir Moedertjie Rusland

Sy blameer boeke, skrywers en rolprente vir haar liefde vir 'n land waar sy nog nooit was nie, skryf DEBORAH STEINMAIR. En sy bid vir vrede in daardie onherbergsame landskap waar die Steppewind fluit en die sneeu sny. Behoed ons almal.

EK het as klein kind vir die eerste keer met Rusland kennis gemaak, deur die boek Peter en die wolf, ’n volksverhaal wat die Russiese komponis Prokofiev oorvertel het met musiek. Ek onthou die illustrasies van sneeu. Die wit landskap het ’n herkenning in my laat roer, en ek ’n kind van sonnige Pretoria. Ons is vreemdelinge en bywoners op aarde, sê die Bybel. Vlugtelinge, nomade. Op soek na ’n stad met fondamente.

Naas Prokofiev blameer ek Heinz Konsalik vir die liefde wat ek koester vir Rusland, waar ek nog nooit was nie. Later was daar ander; Pasternak, Tolstoy, Chekov, Nabokov, Dostoyevsky, Blok, Anna Akhmatova, Mandelstam, Yevtushenko. Maar Heinz was eerste. Op laerskool het ek sy romans, in Afrikaans vertaal, onder die kombers gelees. Ons mag enigiets gelees het, maar my ma se genadelose spot het nie uitgebly nie: “Die liefde brand soos ’n warm kerrieaartappel.” Ek het gelees van dapper soldate en boerinne met groot boude en sterk drange, van liefde in die warm sand en harte koud soos die Steppewind, van geskende gesigte, bloedhuwelike, snydokters en heldinne van die volk, van die drif, drama en hartstog van Stalingrad, Moskou en Sint Petersburg.

In my kop het ’n prentjie gevorm van uiterstes: ekstatiese vreugde en die dieptes van donker wanhoop, slierte nat wind, gemoedsbekakking, onherbergsaamheid en saligheid op note. Alles bymekaar geklits en niks tussenin nie. Russe, het dit my gelyk, is soos kinders, kronies bipolêr – skaterlag die een oomblik en huil die volgende oomblik snot en trane, luidkeels...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.