Dinge word al hoe donkerder vir die eens magtige Richard Mdluli

OP 24 November 2017 kondig ANN7 – oftewel Gupta-televisie – aan dat die aktualiteitsprogram Straight Talk dié aand ’n onderhoud met Richard Mdluli gaan doen waarin hy “Paul O’Sullivan, Gerrie Nel, AfriForum en Jacques Pauw gaan ontbloot”. 

Mdluli was destyds op die punt om op vervroegde pensioen te gaan nadat hy ses jaar by die huis gesit het ná sy skorsing vroeg in 2012. Hy is in dié tyd R8.3 miljoen aan salaris, voordele en bonusse betaal. Hy het onder meer ’n “prestasiebonus” van R400,000 in sy sak gesteek.  

Toe die destydse minister van polisie, Fikile Mbalula, twee maande later Mdluli se vervroegde pensioen aangekondig het, was dit met volle pensioenvoordele en ’n goue handdruk.   ..