Pravin Gordhan, die rara avis van die politiek

NÁ vier dekades van politieke verslaggewing het ek 'n gesonde sinisme oor politici. Hulle is meestal van 'n soortgelyke egoïstiese persoonlikheidstipe met brandende ambisie en 'n hunkering na mag en roem. Party is uiteraard beter en minder skelm as ander, maar bitter min van hulle word werklik aangevuur deur 'n begeerte om die belange van die burgers te dien.

Natuurlik is daar uitsonderings – 'n paar van hulle is my persoonlike vriende.

Maar as daar één politikus is met wie ek oorlog toe sal gaan, soos die uitdrukking lui, is dit Pravin Jamnadas Gordhan. Hy breek die stereotipe aan stukke. Op 72 is hy steeds in sy hart 'n aktivis...