2024: Die opposisiepartye struikel

’N NUWE meningspeiling deur Frans Cronjé se Social Research Foundation (SRF) het pas bevind dat daar ’n kans is dat die ANC wel meer as 50% van die stemme in 2024 kan behaal.

Die stigting sê opposisiepartye was tot dusver nie in staat om op die ANC se ineensinking te kapitaliseer en kiesers se vertroue te wen nie.

Daar is verskeie faktore wat in die ANC se guns kan werk en ’n terugvegpoging moontlik kan maak: R292 biljoen se jaarlikse maatskaplike toelaes (https://www.news24.com/news24/southafrica/news/sassa-to-disburse-r248bn-in-grants-which-is-99-of-social-development-depts-budget-20220514) ; ’n ekonomie wat volgens Johan Els, hoofekonoom van Old Mutual, dalk teen 2,5% gaan groei; en ’n stabilisering van die elektrisiteitsvoorsiening teen vroeg 2024. Die onlangse skerp toename in die aantal strafsake wat met korrupsie en staatskaping verband hou, kan die party se beeld ook net goed doen...