WAT OM TE MAAK AS ALS BREEK

Jan Oberholzer: ‘Toe die Vader geduld uitgedeel het, het ek die memo gemis’

Hy is Eskom se bedryfshoof. ’n Super-operator. Die man wat moet probeer verstaan wat aangaan elke keer as nóg ’n boiler die gees gee of nóg ’n potensiële daad van sabotasie ’n kragstasie buite diens laat. ANNELIESE BURGESS gesels met dié selferkende bliksem oor die ekstreme korrupsie by Eskom, die spoeg-en-plak-erflating wat sy hare so grys gemaak het, en of hy ’n kragopwekker by die huis het (die antwoord is ja).