Onbevoegdheid van die polisie in misdaadsyfers weerspieël

DIS die derde dag van die nuwe jaar en in die township Matsulu naby Kaapmuiden in Mpumalanga hou die 27-jarige Senzo Mkhabela en sy vriendin stil voor ’n gastehuis waar hulle gaan oornag.

Dié wydgestrekte township (daar is nou dele A, B en C) het sy bestaan in die 1970’s te danke aan die apartheidsregering wat plaaslike inwoners van die omliggende streke daarheen verskuif het om plek te maak vir suikerrietplantasies.

Oomblikke nadat Mkhabela sy Renault Triber voor die gastehuis parkeer het, bel hy om ingelaat te word. Saam met hom en sy vriendin is ’n vriend wat hulle gaan aflaai en die kar vat...