Politieke Notaboek | Oor ons eie Comical Ali’s, Gwede-waansin en Jacinda

ONTHOU julle nog vir Comical Ali? Ek dink ons het minstens twee plaaslike weergawes.

Kom ek verfris jou geheue. Mohammed Saeed al-Sahhaf was Saddam Hussein van Irak se minister van inligting toe die Amerikaners die land in 2003 binnegeval het. Hy het elke dag ’n perskonferensie gehou wat wêreldwyd op televisie uitgesaai is.

Hy het met ’n ernstige gesig vertel hoe honderde Amerikaanse soldate buite Bagdad selfmoord gepleeg het. Ek onthou nog sy heftige ontkenning dat daar Amerikaanse tenks en troepe (hy het hulle “bloedsuiende insekte” genoem) naby Bagdad was, terwyl ’n mens die gevegte op die agtergrond kon hoor en tenks verbygedreun het by die regeringsgebou waar hy gepraat het...