Mosi II: Die kaal keiser diep in Rusland se gatsak

WANNEER die Mosi II-oefening saam met Russiese en Chinese vloot verby is, gaan die Suid-Afrikaanse vloot steeds in ’n gehawende toestand wees omdat die regering steeds geen snars omgee of driekwart van sy skepe in Simonstad se hawe lê en vergaan nie. Saam met die regering se halsstarrige argumente oor die “voordele” van die oefening gaan die onomwonde feit egter wees dat die res van die wêreld en dié se vlote gaan besef dat die keiser inderdaad kaal is.

Die waarde van ’n vloot word in siniese terme daaraan gemeet of dit kan dryf, beweeg of baklei. Enkele van die Suid-Afrikaanse vaartuie kan darem nog dryf en met heelwat beperkings nog beweeg. Baklei dié kan hulle lankal nie meer nie en die meerderheid van die kanonne aan boord is nie meer gebore in staat om te skiet en te baklei nie.

Nog voor Mosi II afgeskop het, is die hoofdoelwitte bereik. Rusland het vir die wêreld ’n toffie gewys dat hy nog ’n paar vriende oor het. Sy spoggerigste skip, die Admiraal Gorshkov, met die Zircon-missiele wat glo die Weste laat bewe van angs, het al die pad tot in Richardsbaai gevaar vir dié magsvertoning...