Is daar nou ’n Ramaphosa-ANC en ’n Mashatile-ANC aan die ontwikkel?

HIER is 'n klein voorbeeld van die huidige teenstrydighede: Die EFF wil die land Maandag onregeerbaar maak om die president, ook die verkose leier van die ANC, te dwing om te bedank. In Johannesburg, wat deur die ANC beheer word, is die burgemeesterskomiteelid vir veiligheid en dus ook die politieke hoof van die metropolisie wat die EFF se “vegters” in toom moet help hou, 'n EFF-leier, Mgcini Tshwaku …

Met die bloedbad en anargie van Julie 2021 vars in die geheue, is Suid-Afrikaners en die sakesektor skrikkerig oor wat Maandag kan gebeur. Die Wes-Kaapse premier, Alan Winde, en die Kaapstadse burgemeester, Geordin Hill-Lewis, het sterk waarskuwings gerig – maar daar was nie 'n piep van die ANC in die provinsies en stede/dorpe wat hulle beheer nie.

Die ANC se hoofkantoor en sy sekretaris-generaal, Fikile Mbalula, het wel die stem dik gemaak. “There is absolutely nothing revolutionary about the EFF march, but rather a populist effort that seeks to promote lawlessness and a feeble attempt to invoke the Arab Spring revolution mindset,” sê Luthulihuis in 'n verklaring. Mbalula het dit “anarchy of the highest order” genoem...