Julius én John is slegte nuus vir SA

DAAR is tans minstens drie openbare gesprekke in die media vaardig – veral op sosiale media – wat meer doen vir onkunde en wanbegrip as om substantiewe verstaan en intellektuele helderheid te bevorder.

Ontleders wat die bodem van die driepootpot skraap vir ’n analoog tussen apartheid en die gebreke van ons demokrasie, is polities moedswillig en waarskynlik skuldig aan ’n vergoeiliking van apartheid. Hulle probeer beslis nie om begrip te bevorder nie en dié sinnelose vals ekwivalensie en denkfout kom onder swart én wit Suid-Afrikaners voor. 

Die tweede openbare gesprek het te doen met die president se begrip van of onbegrip vir Suid-Afrika se werklikhede. Soms is pres. Cyril Ramaphosa se uitsprake oppervlakkig en opportunisties op ’n manier wat eintlik benede hom behoort te wees...