Spesiale verslag | Oor terroriste, spesmagte en alles tussenin

DIE hele blik wurms het uitgepeul in ’n onlangse dringende hofaansoek deur die families van twee ontvoerde Ethiopiese mans. Een van die mans is verlede jaar deur die VSA gesanksioneer en geswartlys weens sy steun aan die Islamitiese Staat (IS).

Abdella Hussein Abadiga bly reeds sedert 2009 in Suid-Afrika nadat hy as Ethiopiese vlugteling asiel gekry het. Nadat die Suid-Afrikaanse owerhede ’n vlugtelingpaspoort aan hom uitgereik het, het hy glo steeds volstoom met sy aktiwiteite in lande soos Sirië en die Demokratiese Republiek van die Kongo (DRK) voortgegaan.

Die internasionale fokus op Abadiga (in sy paspoort is sy van Abadigga) het verskerp nadat die VSA hom en nog drie ander IS-verdagtes gesanksioneer en hulle finansiële en ander steun aan IS uitgespel het. Die beweerde ontvoering het op 29 Desember in die Mall of Africa in Midrand gebeur...