Oekraïne ná ’n jaar van oorlog: Die wêreld is op ’n mespunt

DIT was ’n Kennedy- (Ich bin ein Berliner) en ’n Reagan- (Mr. Gorbachev, tear down this wall!) oomblik vir Joe Biden dié week: “Kyiv stands. Ukraine stands. Democracy stands. We will not tire.”

Biden was nie in Washington nie, hy was in die hoofstad van Oekraïne, reg langs die mees onwaarskynlike wêreldfiguur van ons tyd, die gewese komediant Volodymyr Zelensky, president van Oekraïne en simbool van dié nasie. ’n Nasie wat Rusland sê nie regtig bestaan nie, maar wat vasberade weerstand bied teen Russiese besetting.

Net 800 km daarvandaan het Vladimir Putin in Moskou in sy staatsrede voor die parlement en ’n falanks militêre offisiere verklaar dat dit die “totalitêre” Amerika en Navo was wat die oorlog begin het, dat Rusland net sy eie grense wil beveilig, dat Oekraïne geen afsonderlike bestaansreg het nie en met neo-Nazi’s besmet is – dat Zelensky self Joods is en met ’n goeie meerderheid verkies is, is blykbaar irrelevant...

DEEL