Beurtkrag: Gaan na Colombia en word wys

AS ’n Suid-Afrikaner wat al langer as drie jaar in Colombia in Suid-Amerika woon, het ek tot my groot verbasing nog nie een keer hier ’n kragonderbreking ervaar nie.

Selfs die gereelde natuurrampe in hierdie streek met sy uiterse klimaatsverskille raak die toegang tot betroubare elektrisiteitsvoorsiening bitter selde.

Dít afgesien van die feit dat Colombia tans weer hernude polities gedrewe geweld, gewapende konflik, buitensporige vlakke van korrupsie, strukturele armoede (veral in die landelike gebiede) en van die hoogste vlakke van werkloosheid vergeleke met ander lidlande van die Organisasie vir Ekonomiese Samewerking en Ontwikkeling (OESO) beleef. ..