Orgasmes wat reënwoude laat opspring

OP die voorblad van Die gawe van groen (Elmarie Dercksen se debuutroman) sit ’n naakte, soel meisie in die woestyn. Agter haar lê groen sirkels (poele water, miskien) gevul met vetplante, woestynvygies en wat lyk na ’n groen protea.

Die poele groenigheid begin net suid van haar skoot.

Die leser kom eers op bladsy 136 agter die kap van die byl aangaande Sati, die hoofkarakter, se “gawe van groen”. Maar dit word vanuit die staanspoor gesuggereer: ’n geskenk wat opgetower word vanuit ’n vroulike liggaam, en dit begin tussen haar bene...