Jonas en die sex sandwich

DIT het lank gevat vir Engel en Lem om van mekaar bewus te raak. Hulle was jare lank kollegas – of dalk eerder kompeteerders – aangesien hulle by twee koerante gewerk het wat aartsvyande was. In die Hemelhuis-restaurant in Kaapstad het die afstand egter gekrimp. Lem het besef Engel is die eerlikste mens in die wêreld, en sy kort hom soos sy haar lewer kort. Hy het besef hy kort haar soos hy sy daaglikse Essentiale-pille kort wat sy lewer aan die gang hou. The rest is history, as they say.

Lem onthou presies wat haar oortuig het Engel is spesiaal. Hy het gepraat oor sy sekslewe, wat soos dié van ’n bunny rabbit was, en toe het hy sy koffie gedrink met ’n salige uitdrukking. Lem het verwonderd opgemerk: “Jy is gelukkig. Ek is nie gelukkig nie. Jy geniet selfs klein goed.” “Behalwe wanneer dit by penisse kom,” het Engel bygevoeg, net vir ingeval hy soos ’n pushover klink.

Die ete het ure geduur en nie ’n fortuin gekos nie. “Ons repeteer vir die dag as ons in die hemel kom,” was al twee se opinie. En sedert daardie dag gaan koffie hulle in die Hemelhuis wanneer hulle kan. ’n Paar goed het verander sedert hulle ontmoeting. Een ding is, albei is geretire. Albei het ook getrek, Lem net veel meer as Engel. So, dis moeiliker om by die Hemelhuis uit te kom...