Maalkolk van mislukking sleur SA munisipaliteite na nuwe dieptes

MET net enkele maande oor voordat die land se plaaslike verkiesings in Oktober gehou moet word, gaan dit wilder as ooit tevore in Suid-Afrika se wanfunksionele  munisipaliteite: finansiële wanbestuur wat handuit geruk het, munisipale werkers wat onbekostigbare salaris- en voordeelverhogings eis, en groot werkverskaffers wat keelvol is vir gebrekkige dienslewering en hul goed oppak en trek.

Lekkende waterpype, slaggate in paaie wat besighede en inwoners duur kos aan die onderhoud van voertuie, kragonderbrekings weens elektrisiteitsnetwerke wat eintlik vervang moet word, rioolvullis in die strate en 'n amptenary wat nie plaaslike inwoners te hulp wil staan nie, is van die uitdagings. Voeg daarby die biljoene rande wat nie volgens wetlike voorskrifte bestee word nie en munisipale kliënte wat nie betaal nie (of weens die ekonomiese toestande nie kán betaal nie), en die prentjie versleg elke jaar. Veral plattelanders trek swaar.

Finansiële wanbestuur..