Die outjie wat in die basement woon

IN sommige opsigte lyk dit of die Amerikaanse ekonomie naby aan ten volle herstel is van die skok van die pandemie, maar terselfdertyd het daar ook ’n raaisel opgeduik: Hoekom is daar meer ongevulde poste as werklose mense?

Natuurlik pas die vaardighede van diegene wat werk soek nie altyd netjies by wat gesoek word vir die vakatures nie, maar in 'n ontwikkelde ekonomie met hoë mobiliteit tussen poste word die gaping gewoonlik gou gevul.

Dis ook nie dat gevorderde vaardighede nodig is om dié poste te vul nie, want dis tipies kleiner ondernemings met relatief basiese behoeftes wat sukkel om mense aangestel te kry. Dié situasie het selfs einde verlede jaar aanleiding gegee tot ’n nuwe term: die “‘I don’t know’ economy”: Ondernemers weet nie wanneer hulle logistieke voorraadkettings weer heeltemal herstel gaan wees nie, ouers weet nie wanneer skole en dagsorg weer volledig in bedryf gaan wees nie; kantoorwerkers weet nie wanneer hulle weer na hulle ou roetines sal kan terugkeer nie...