Yanks vlieg mekaar in die hare oor wat 5G vir veilige vlugte beteken

DIE komplotters weet nie mooi wat om van dié een te maak nie: As 5G dan deel is van die internasionale sameswering om die bevolking kleiner te maak en ons almal aan die tirannie van ’n enkele wêreldregering te onderwerp, waarom baklei een deel van die Amerikaanse regering daarvoor en ’n ander deel daarteen?

In die een hoek van die kryt is die Federale Kommunikasiekommissie (FCC), wat vroeër goedkeuring gegee het dat die Amerikaanse kommunikasiereuse Verizon en AT&T ’n hele nuwe blok 5G-frekwensies in gebruik mag neem. Die twee maatskappye het die reg om die bykomende spektrum te gebruik vir $80 biljoen op ’n veiling van die regering bekom, maar die inwerkingstelling daarvan word telkens uitgestel. Saam daarmee kom die massiewe investering wat met ’n tegnologiese sprong soos 5G gepaard gaan. En natuurlik die winste wat gemaak kan word.

In die ander hoek is die Federale Lugvaartadministrasie (FAA) en ’n hele rits rolspelers in die lugvaartbedryf, wat die vervaardigers Boeing en Airbus asook lugdienste, vlieëniers en kajuitbemanning insluit. Hulle wil hê die uitrol van 5G moet opgeskort word totdat daar meer sekerheid is dat dit nie vliegveiligheid in die gedrang sal bring nie...