Prost!(aat): 10 minute later is die drup-drup-drup ’n volstroom-sukses

MET prostaatprobleme is dit ’n geval van hoe later, hoe kwater. Hoe ouer ’n man word, hoe beter is die kans dat hy goedaardige prostaathiperplasie (GPH), algemeen bekend as ’n vergrote prostaat, sal opdoen. Dieselfde geld prostaatkanker, die ander algemene maar veel gevaarliker prostaatprobleem.

Die twee toestande het verskeie ooreenkomste en kom dikwels saam voor, maar het nie noodwendig iets met mekaar te doen nie (https://pubmed.ncbi.nlm.nih.gov/22792684/). In albei gevalle word die prostaatklier groter, maar GPH is goedaardig, wat beteken dit kan nie soos die kwaadaardige prostaatkanker na ander dele van jou liggaam versprei nie.

Volgens die American Cancer Society (https://www.cancer.org/content/dam/CRC/PDF/Public/8793.00.pdf) is prostaatkanker naas velkanker die algemeenste soort kanker onder Amerikaanse mans, en naas longkanker die kanker wat die meeste sterftes veroorsaak. Prostaatkanker word by gemiddeld een uit elke agt Amerikaanse mans gediagnoseer; ongeveer een uit 41 sal daaraan sterf. Dit is dus nie ’n doodsvonnis nie, en soos met alle kanker kan vroeë diagnose en behandeling jou lewe red...

DEEL