Saam met Stormy Daniels en ivermektien in die stryd teen Covid

Wat behels die wetenskaplike metode?

Die formele definisies verskil hier en daar, maar basies behels die wetenskaplike metode ’n kritiese en sistematiese manier om kennis in te samel en te orden, vrae te beantwoord, ’n hipotese op te stel en daardie hipotese te toets deur middel van proewe of eksperimente. Dié hipotese kan dan aanvaar, verwerp of verfyn word in ’n voortdurende proses van beoordeling deur ander wetenskaplikes. Sodoende word foutiewe berekenings, verkeerde aannames of ongeldige gevolgtrekkings mettertyd geïdentifiseer en uitgeskakel.

So, dis nie ’n statiese proses wat elke keer absolute waarhede oplewer en nooit verkeerd is nie. Wat dit wel is, is ’n manier om kennis te ontwikkel deur ’n voortdurende, kritiese en skeptiese evalueringsproses. Lees ook hier (https://en.wikipedia.org/wiki/Scientific_method) en hier (https://www.thoughtco.com/steps-of-the-scientific-method-p2-606045) oor wat dit behels...